Послание диакона Феодора о соборе 1666 года

Хотел еще писати, да бумаги нестало. Еще Бог прислал бумажки: пишу свидетельства от многих святых писаний церковных, яко никонианскаго лукаваго собора клятва бездельная есть и ложная, бесовская и еретическая. Сего ради православным христианом всем, мужем и женам, всякаго чина и возраста, держащимся древняго благочестия, старых книг, догматов церковных правых, не подобает пустошныя их клятвы боятися, но попирати ея и плевати на ню. Подобает же всем вам православным боятиса праведныя клятвы святых отец, седми вселенских соборов и девяти поместных, и прочих по них бывших, добрых пастырей и учителей церковных греческих и русских, от нихже мы прияли древле святое крещение, и старыя те непорочныя книги. Вся тыя нам и до скончания века подобает  держати  непременно, умирати за них; а новым  законопреступным и развратным соборищам не подобает нам правоверным последовати, кои быша на Москве во 161 и во 175 годах на разорение древняго благочестия, и на отвержение старых книг, и кровопролитие  христианское и убивство. Богоотец пророк Давыд, похваляя, глаголет: блажен муж, рече, иже не иде на совет нечестивых, и на пути грешных не ста, и на седалищи губитель не сед, но в законе Господни воля его, и в законе его поучится день и нощь. И во ином псалме таковых нечестивых советы и соборы укаряет, глаголя: увязают в советех, яже помышляют, яко хвалим есть грешный в похотех души своея, и прочая тамо: сиречь: егда утвержает нечестивый новая своя смышления, тогда похваляется тем и гордится, и законоположником себе называет новым (Никон и всякой ототупник). И несть Бога пред ним, и оскверняются путие его на всяко время, глаголет пророк, понеже бо нечестием своим похваляется. Рече бо в сердцы своем: не подвижуся от рода в род без зла. Ему же клятвы уста его полна суть, горести и льсти, под языком его труд и болезнь [Пс. 9, ст. 23-29], сиречь сокровенной еретической яд смертоносный, иже в тайне убивает неповиннаго, и прочая. Такоже суть и нынешния наши новыя отступницы, Яким слепый с прочими. Не обрели на нас ни единыя правильныя вины, но по своей окаянной страсти кленут нас правоверных христиан за свое безчестие и срамоту, и тем показуются миру праведны быти. Бог же праведный Судия не на лица зрит, но на сердце. Якоже во Египте иногда прелюбодейца оная, блядь, пентефриева жена, восхоте осквернити нуждею избранника Божия Иосифа целомудреннаго блудным смешением своим, - оный же прекрасный отрок, бояся Бога и закона Божия не хотя преступити, и убежа от греха, и посем оклеветан бысть от тоя же лукавыя жены по гневу ея страстному, зане не исполнил скверныя похоти ея, и сего ради ввержен бысть в темницу окован железом. Той же бо прелюбодеицы египетской подобны наши власти русския, новыя прелестницы: тем же образом лестным привлекали нас к новой Никоновой пестрообразной прелести, к своему отступлению, дабы и мы такоже охулили и прокляли отеческое древнее церковное благочестие, якоже и они. Мы же, суще сынове и дщере церкве Сионския, к тому их безумию и явному беснованию не восхотели приобщитися, ниже мало повинутися, аще и мучими и томими много быхом от них тамо, во время соборища их луаваго. И сего ради оклеветали нас царю Алексию лестными глаголы и ложными баснями заочию, понеже бо оныя власти темныя и пестрыя всегда пред царем бяху, мы же вси страдальцы пред царем не бехом никогдаже поставляеми, ни един от нас. Такоже и патриархом греческим оклеветали нас они же, наши лучшие архиереи, два лучшие отступницы Павел Крутицкой митрополит, да Рязанский архиепископ Иларион, и третий Иоаким архимандрит Чудовской, человекоугодницы царевы. Сии три лукавии змии зельне цареву душу возмущаху и на кровопролитие христианское поучаху его присно, и в прелести Никонове укрепляху его, чести ради и славы века сего. Понеже бо егда Никон патриарх, начальный отступник, начал расколы творити в церкви и книги пременяти, те лестцы в то время в малом чину быша, - Павлик бысть протопоп у Сретения на сенях у царя, Иларион же поп бысть на Лыскове селе под Нижным, и овдове, и пострижеся, и бысть игуменом у Макария на Желтых песках, - и в то время поневоле руки своя приложили к Никонову умышлению сперва, понеже бо видеша страсть над Коломенским епископом Павлом. Той бо добрый пастырь бысть и к Никонову собору не приложи руки своея, и за то его Никон воровски обругал, сан сняв, и в ссылку сослал его на Хутыню в монастырь Варлаама преподобнаго. А тамо бысть архимандрит Барашко некто, и того Павла епископа мучил, угождая Никону врагу Христову, и за то тогда Христос отнял язык внезапу у Барашка того, и тако нем ходил до смерти. Павел же той блаженный епископ начал уродствовати Христа ради. Никон же уведав, и посла слуг своих тамо в новгородские пределы, идеже он ходя странствовал. Они же обретоша его, яко волцы кроткую Христову овцу, и убиша его до смерти, и тело его сожгоша огнем, по Никонову велению. И тако тому конец рабу Божию сотвори Никон волк, дабы не обличал его законопреступника. Се есть начало Никонова безбожнаго соборища. И прочих отец, кои не приложили рук своих ко умышлению его вражию и возбраняли ему много, еже бы не раздирал церкве Христовы, - Казанский протопоп Иоанн Неронов, Костромской протопоп Даниил, Муромский протопоп Логин, друзи быша царева духовника благаго Стефана благовещенскаго протопопа, и инии мнози отцы, - и сих всех Никон мучил и в заточение разослал, иных же и смерти предал безвестно. Царь же Никону молчаше, понеже запись даде ему своею рукою в начале поставления его, еже во всем его послушати, и от бояр оборонять, и его волю исполнять, якоже прельщенный оный отрок рукописание даде сатане, егоже Василий Великий избави молитвою от погибели тоя, - тако омрачи его Никон лестчим некако духом. Царь же Алексий до того окрадения Никонова благочестив бысть зело, и правдолюбив и милостив, того же волкохищника Никона, пришедша во овчей кожи, не позна, и не опасеся от лести его, и не возможе от сети его исторгнутися, или истее рещи, яко не восхоте, да сбудутся писания о них обоих, писанная во Апокалипсисе и в книге Орле небопарном. На епископа же Павла Коломенскаго, новаго исповедника, и на Казанскаго протопопа Иоанна Неронова писал Никон тогда ко греческим патриархом ложныя басни, оправдуя сам себя, а на них клевеща, яко диавол, будто они составили свои новыя молитвы и чины церковныя и теми людей развращают, и от соборныя церкви отделяют. И Цареградский патриарх Паисий, поверя его клевете, писал ответы ему, чая его пастыря сущаго быти, глаголя ему: блюдися, брате, таковых, кои что ново вчиняют, и от церкве отделяются; таковии, рече, втории люторцы, сиречь немцы, прельщенныи от Лютора еретика невдавне. И те ответы напечатал Никон в новой книге своей Скрыжали, на погибельное оправдание себе и неведущим людем на соблазн. Патриарх убо Паисий о том право ему отвеща по отписке ево; но он, враг, к нему судии не правду писал, но праведных мужей оклеветал, и заводом, яко Езавель Навуфея. Нам же всем православным христианом во всей Русской земли ведомо о том, яко несть их творения, Павлова и Иоаннова, ни единыя молитвы, ни тропаря новаго, и единаго слова развратнаго не вложили они в старыя книги наши нигде отнюд, и раскола в церкви от них не бывало никакова, и у книжныя справы на Печатном дворе не сиживали никогда, и в наборщиках не бывали: ведомо о сем всей Москве великой. Сам он, Никон, сын диаволов, всякия расколы и раздоры в церкви Русской сотворил повсюду, и догматы многия святых отец превратил, и книги старопечатныя все охулил, враг, напрасно, и в тех место римския развращенныя перепечатал по русски, и в церковь внесе их со многими ересьми злыми; и тем пестрообразным новым нечестием своим всю землю нашу возмутил, и брани лютыя и кровопролития учинил, а неповинных рабов Христовых оболгал, якобы от них расколы в церкви учинилися. И сию убо неправду его кому судить, разве единому Богу! Потом же и сам окаянный возмездие приял: от тех же бо патриархов греческих извержен и поруган бысть, и простым монахом учинен от них. Сего убо изгнали; а новособранныя развратныя его уставы и чины, и новыя книги вся утвердили. И се не греческия патриархи сотворили так, но наши русския власти по страсти своей то учинили, стыда ради своего, и царь восхоте сему быти: понеже многа уже лета по новому его Никонову уставу служили они вси, и новыя многия книги напечатали, и многих христиан примучили, сначала еще, и в заточения загнали, кои не прияли тех новых преданий Никоновых. И сего ради они архиереи, и книжницы и старцы, обратитися не восхотеша на прежнее отеческое правоверие, глаголюще нам втайне и яве: «аще уже нам пастырем, и погибнути за отступление свое, а обратитися паки на первое невозможно! Вси христиане укорят нас, и оплюют, и невернии иноземцы посмеются нам, вси живущии в Русии! Великий государь тако изволил, а мы бы и рады по старым книгам пети и служити Богу, да его, царя, не смеем прогневати, и сего ради угождаем ему; а тамо уже Бог судит, - не мы завели новое!» Вси сими глаголы оправдаются безумнии пастыри новыя, презирающе Святаго Духа, глаголюща пророком: убояшася страха, идеже не бе страха [Пс. 13, ст. 5], и: яко Бог разсыпа кости человекоугодником [Пс. 52, ст. 7]. Они бо, врази, вышереченнии человекоугодницы и душегубныя царевы потаковники, Павлик митрополит Крутицкий и Ларион архиепископ Рязанской, не по святым правилом наскочиша на престолы архиерейския: попы убо быша в мире. Святая же правила постригшемуся попу не повелевают священствовати, не токмо архиерействовати, и святый Афонасий Великий измещет таковых презорцов. И те убо два законопреступные архиереи утвердили все никониянство, по хотению цареву; а прочие все власти нехотя последовали им, славы ради и чести маловременныя: возлюбиша бо славу человеческую, нежели славу Божию [Ин. зач. 43].
На том же последнем соборищи своем умыслиша проклинати нас, стоящих за старые книги и за законы церковныя святых отец наших, и нарицают своим именем, раскольниками, и проклинают нас по страсти своей, а не по правилом святых отец. Писано бо есть во святых правилех, яко от раскольника и подцерковника крещение приято. Зри же всяк правдолюбивый и благочестивый судие, яко аще бы мы и вправду раскольницы были в вере, а раскольника и подцерковника по святым правилом не подобает отлучати от церкве, ни отвергати, ни проклинати их никакоже, но и крещение от них приято. Аще крещение от них приято и прочия тайны совершаемыя от них прияты: темже ни мучити их, ни казнити подобает градскими казньми, точию бо словесы от святых писаний наказовати их почасту искусным учителем церковным, дабы престали от раскольства и от подзирания церковнаго; от еретика же и от отступника правыя веры неприято крещение отнюд: не действует бо Дух Святый еретическими руками и языком их ничтоже, и еретическое крещение несть крещение, но паче осквернение. Сице писано во святых правилех о еретицех. Ино бо есть раскольник, ино подцерковник; ино есть отступник, ино еретик. И в ересях убо различие есть много, - ова бо мала суть, ова же велика суть зело. И еретика убо по первом и втором наказании отрицатися подобает по Павлову словеси апостола, и по святым правилом отлучати его, и извергати и проклинати подобает по всему правоверным христианом. И по сему свидетельству святых соборных правил напрасно нас проклинают никониане, - Аввакума протопопа, и Лазаря попа, и мене диакона Феодора, и Епифания старца, и прочих отец и братию нашу, матерей и сестр. Мы бо вси правовернии христиане, никакова раскола ни ереси не вложили в книги и в церковь не внашивали; но за старыя книги церковныя, за предания отеческая правая стоим и умираем, а их бесовскими клятвами беззаконными, яко онучами и стелками, афедроны подтираем. Проклинают бо они нас вымыслом воровским, страх наводя миру, неразумным людем, ежебы прелести их последовали вси и от старыя правыя веры отступили бы, дабы им отступником новым не стыдно было и хвално. Они, никониане, раскольниками нас называют, токмо зане мы секиры острыя о Христе Исусе, пресекаем их прелесть и раскалаем ю, да не растет, ни процветает, но изсохнет из корения, якоже проклятая от Христа смоковница оная беплодная и якоже Ларион архиепископ Рязанский, новый отступник и лстец царев, жив изсше, яко трава преже исторжения. Мы же их называли преже сего не расколниками точию, но совершенными еретиками, и предтечами антихристовыми, зря по делом их; и ныне паче нарицаем их в правду тако: указа бо нам о них явственно святый тайнозрительный Апокалипсис Иоанна Богослова, и апостол Павел, и святый Златоуст, и Ипполит священномученик, и преподобный Ефрем Сирин и прочая церковнии учители, яснейши же Книга о правой вере указа их, яко перстом в лице, печатная на Москве до мору, и книга Орел сказа нам время се и имена начальным отступником, толкована от Ездриных книг мудрых, прежде даже и прадедов их не бысть. Аким Савелов, пастух лют недобрый, чаю, и не слыхал того Орла, а за никонианство разседается от души, а нас проклинает, забыв Бога и правду Его святую. Да обратится болезнь его на главу его, и на верх его неправда его снидет [Пс. 7, ст. 17]! Писано бо есть во святых правилах: «Святитель, отлучая кого без правды, сам отлучен да будет». И святый Дионисий Ареопагит глаголет: «святитель, аще кого прокленет не по воли Божии, не последует ему божественный суд, сам проклят будет». И много есть писано о сем во святых книгах церковных: понеже бо праведен Господь Бог наш, и несть неправды в Нем [Пс. 91, ст. 16], - по пророку. И закон Господень непорочен держаша отцы наши во всей Русской земли, и нам той же оставиша непременен, и неизвращен предаша чадом своим, и в том они Богу угодили и спаслися. «Без правыя же веры невозможно угодити Богу», - глаголет апостол Павел ко евреом. Держат убо веру Христову и вси еретицы, римляне и немцы, и унияты и прочие таковии, но неправу уже и растлену от еретик, и суть они за та вся прокляти от Бога и всех святых Его и спастися убо, Христу Богу угодити не могут: понеже бо, по апостолу, един есть Бог, и едина вера, и едино крещение во оставление грехов [к ефес. зач. 224], а не мнози. Темже и мы уповаем с тоюже единою апостольскою и отеческою верою тако же угодити Христу Богу и спастися, якоже и они, апостольских и отеческих преданий и уставов не изменяем и не прилагаем ничтоже, за та вся и крови своя проливаем ныне и души своя полагаем, а нововчиняющих и нововзаконяющих отвращаемся и проклинаем, и древних и настоящих новых отступников и еретиков всех, по правилом святых отец наших, а не по своей страсти, якоже никониане нас, но по писанию: кого бо святии отцы наши по правилом зде на земли связаша и прокляша, той на небесех связан есть и проклят; а кого святии отцы наши зде на земли разрешиша и благословиша, и на небесех той разрешен есть и благословен. О еретиках же и отступницех правыя нашея веры не инако разумей, но сице: еретицы бо и отступницы, аще патриарси они, и митрополиты, и архиепископы, и епископы, и протопопы словут, и аще они кого правоверна связуют и проклинают, того сам Христос Сын Божий благословляет, и милует, и спасает, и к себе присвояет, и вси святии Его молятся Ему за того человека, и заступают его: аще же кого еретицы и отступницы благословляют и жалуют, повинующагося прелести их, иже вся развращенная их мудрования с любовию держит, а святых отец предания древняя уничижает и попирает, якоже и они ересиархи, таковаго человека сам Христос Сын Божий отвращается и ненавидит, и по начинанию сердца его отмещает и предает его диаволу во область, и вси святии Христовы угодницы проклинают того, и мести от Бога просят нань, и не помогают ему благоприятными молитвами своими ни в чесомже. И тако той окаянный погибает и с прельстившими его купно осудится, и сведен будет в муки вечныя, - увы, увы! пророку глаголющу: уклоняющияся в развращение поведет Господь с делающими беззаконие [Пс. 124, ст. 5]. И се явно есть, по святому писанию, яко еретическая и отступническая клятва беззаконна есть и ложна, и недейственна отнюд. О сем бо есть целое слово преподобнаго отца Иосифа игумена Волоколамскаго чудотворца, в книге его Просветитель, юже написа он на новгородских еретиков и московских, бывших при нем и державших жидовство прикровено, - и митрополит Московский Зосима жидовин уже бысть тайно, и верховныя многия люди, ихже он один обличал, и напасти от них многи претерпе, а большия власти вси умолчаша тогда, яко болваны, якоже и нынешния, боялися клятвы митрополичей. И того ради он тогда собрал о том много от святых писаний, яко не подобает правоверным боятися клятвы еретическия, занеже беззаконна суть. О таковой же клятве лукавых пророк Давыд глаголет: помози ми Господи Боже мой, и спаси мя по милости Твоей, и разумеют, яко рука Твоя си, и ты Господи сотворил еси ю; прокленут тии, и Ты благословиши; возстающии на мя постыдятся, раб же Твой возвеселится [Пс. 108, ст. 26-28], и прочая. Сице и мы молимся с пророком на никониан, всуе кленущих нас. Аще бо мы прокляти от сонмища их лукаваго, то убо и вси святии отцы наши, русстии светилницы, благочестивии князи и царие, и святейшия патриархи, и митрополиты, и архиепископы, в шести стах и седмидесяти летех бывшия от крещения Владимерова, и вси православнии христиане тогдашнии прокляти суть от нынешняго собора Никонианскаго. И аще они святии отцы русстии прокляти от никониан, то убо и гречестии святии отцы древнии прокляты суть, от нихже прияша наши отцы святую веру истинную вскоре по совершении седмаго собора, и старыя непорочныя книги без всякаго примеса еретических духов, в самое исполнение благочестия. И аще прокляти от никониан тогда сущии православнии пастырие гречестии, то убо прокляти суть от них и святыя вселенския соборы. И аще тако будет по их лукавому умышлению: то где правда? Где благочестие погибе древних греческих и российских святых отец наших, и почто отвержены их старые чистые книги, почто и сами они Божии угодницы охулены и презрены и уничижены от никониан злых? Испытай о сем всяк благоверный, и внимай себе и зри умными очесы, что строит лстивый сатана сосудами своими и кому путь готовит ими. Не явныя ли они предотечи антихристовы? Святии вси отцы наши, древнии гречестии и русстии пастыри и учители церковнии, апостольстии быша ученицы и Христовы; Христос же Господь наш рече учеником своим: слушаяй вас, Мене слушает, а отметаяся вас, Мене отметается и пославшаго Мя. И паки: аще Мене изгнаша, и вас изженут, аще слово Мое соблюдоша, и ваше соблюдут [Ин. зач. 55]. И прочая таковая многа словеса есть Христова, и сими словесы научает нас разумети и знати добрых и злых человек. Аще бо кои святых отец предания сохраняют, то убо и заповеди Божия исполнят; аще же кои святых отец уставы преступают и отметаются их, то самого Бога повеления презирают и отметаются Его. Аще же святых кто почитает и учение их делом исполняет и не пременяет, то убо самого Бога почитает таковый и волю Его святую исполняет. Аще же кто святых угодников Христовых изгоняет, живых или мертвых, уничижает и проклинает их купно за правую веру Христову, или за предания апостольская и отеческая, таковый, враг Божий, самого Христа истиннаго Бога нашего изгоняет и проклинает, самого Христа Бога нашего мучит и убивает и распинает, яко Пилат с жидовскими архиереи и книжники, и самого Бога Отца ненавидит: рече бо Сын Божий Исус Христос: ненавидяй Мене и Отца Моего ненавидит. Аще бо Сыну Божию враг, и Отцу Богу враг, и Духу истинному враг: равночестна бо есть Святая Троица. И аще таковый враг есть Святей Троице, и всем святым враг есть; точию бо диаволу угодник, и бесом друг, и еретиком сын есть, и послушник их милый, мучителем проклятым брат есть и товарищь. Тако бо и никониане, новыя отступницы, иже нас за старыя книги и законы святых отец проклинают, не нас, но святых угодников Божиих проклинают, учителей наших и наставников, имже повеле нам апостол повиноватися и покарятися, и на скончание жительства их взирати и подражати веру их. И аще их проклинают с нами, то убо святых апостол и самого Христа проклинают, якоже жидове, иже распяша Христа Бога нашего на кресте тридревнем, лютости ради своея, и се непщующе в себе кровопивии пси, яко да будет Христос проклят от всех по закону их, понеже бо писано есть в законе их: проклят всяк висяй на древе. Христос же Спаситель наш ту их лукавую жидовскую клятву во благословение преложи верным всем, и проклятое то от них тричастное древо креста непреступно диаволу сотвори, и всем бесом страшно содела. Тако убо и никонианскаго соборища беззаконную клятву, наложенную на нас, во благословение нам преложи силою своею, и в похвалу и славу вечную, зане сам, быв по нас клятва, от жидовскаго собора тогда и сам пострада от них, нам оставль образ, да последуем стопам Его. Аще бо Он, Создатель наш, Христос Бог Слово, за нас душу свою положи: колми паче нам грешным рабом Его за Него, Владыку своего безгрешнаго, и за святых отец наших, угодников Его, и за правая предания их и непорочныя книги церковныя наипаче сугубо и трегубо подобает страдати и умирати, и души своя полагати со всяким тщанием и с любовию теплою во время се. Древле бо, во Израиле, Маккавеи они чуднии седмь братии за свиныя мяса токмо пострадаша от Антиоха мучителя: не хотяху бо послушати его и мяс тех ясти, да сохранят закон отец своих, - за сие и умроша от него вси. И се не погрешиша, но святи суть и мученицы, и от всех верных, в законе и благодати, почитаеми по вселенней. И паки онии три отроцы в Вавилоне не послушаша повеления царева безумнаго и не поклонишася новому богу, его златому болвану, да соблюдут закон отец своих, и за сие от него в пещь огненную ввержени быша, за упрямство: понеже бо вси людии всем царством поклонишася телу златому, и их жидове плененнии вси поклонишася за страх и великаго государя Навоходоносора потешиша всем собором великим вавилонским, трие же юноши токмо пленнии, Анания, Азария и Мисаил, не покоришася, и за сие вышний Господь о них преславная сотвори, правыя ради веры их, по вселенней то чудо протече на славу их; святых детей вся церкви почитает, поя и глаголя: по законех отеческих преблаженнии в Вавилоне юнии беду приемлюще, царева небрегоша повеления безумнаго и совокупльшеся, в нем же не изваришася во огни, и прочая. И много тех образов в древнем законе, паче же во благодатнем Христовем безчисленно есть. Нигде убо не оставляет просто Христос своего божественнаго дела и веры, везде бо рабов своих венчает, и прославляет за правду святых; а противным врагом своим, отступником и еретиком и злым мучителем, месть воздает. Древле бо на святаго отца нашего Иоанна Златоустаго лукавый собор собраша и неправедно его осудиша царь и царица и вси архиереи человекоугодныя, и в ссылку его сослаша, не ближе, чаю, нашего Пустозерья, - аще и не за веру церковную, но обаче за правое его обличение: и он, добрый свет-пастырь, прославлен от Бога за сие, а иже обругаша его и осудиша неправо, тии вси врази вскоре погибоша по смерти его, разными казньми Божиими скончевахуся зле. А Златоуст и ныне Златоуст. Тем же образом лукавым и на Москве у нас, при царе Иоанне, осудиша златоустаго ревнителя, святаго отца нашего Филиппа митрополита, и извергоша его, и в ссылку сослаша, и удавиша его тамо, раба Божия, царев угодник Малютка Скуратов, якоже Артемон, льстец нынешняго царя Алексея, душегубный потаковник и верным всем наветник лютый. Филипп же святый чудотворец, и ныне по старому Филипп митрополит и исповедник новый словет, а человекоугодных властей всех память погибе вечно, кои Филиппа обругаша, угожая царю земному.
Нынешний собор новый московский подобен собору греческаго царя Анастасия еретика, иже бысть по благочестивом царе Маркиане гречестем же, после четвертаго вселенскаго собора вскоре. Той бо четвертый святый вселенский собор бысть на еретиков греческих, на Евтихия архимандрита и на Диоскора патриарха Александрийскаго, отметающихся воплощения Господа нашего Исуса Христа, сиречь Троицу они исповедывали, Отца и Сына и Святаго Духа, единаго же от Троицы, Сына Божия, воплощение отметали, и паки нага его в Троице исповедовали, якоже и наши никониане ныне в сложении трех перстов, в щепотке своей, ту ересь приемше держат, и такоже нага исповедуют его по воплощении, якоже Отца и Духа, кроме восприятия. Глаголаша бо тии еретицы, Диоскор и Евтих, яко Христос плоть свою на земли остави и нагим Божеством вознесеся на небо. Сего ради собрашася святых отец в Халкидоне граде 630, и тех еретиков обличиша и прокляша, во Христе же Исусе, Сыне Божии, два существа исповедаша неразлучна вовеки, сиречь Божество и человечество совершенно вкупе, и на небеса вознесшася с плотию проповедаша Его. Тойже царь Анастасий по сем не восхоте последовати святому собору и преданию правому святых отец, якоже и наш московский царь Алексей Михайлович, - уклонился в ересь Диоскорову, и настави своих новых патриархов вселенских, потаковников своей погибели, а старых благочестивых святителей и пастырей церковных, великих и малых, в ссылки разосла, кои не покорилися его зломудрию, и четвертый собор святых отец всех прокля, неправо быти помышляя предания их уложение. И в то время патриархи гречестии и прочия власти их вси еретицы быша, якоже и царь их; един токмо правоверный архимандрит остася Сава Освященный во обители своей, якоже и у нас в Соловецком монастыре благочестивый архимандрит же Никонор с братиею, и к царю на совет нечестивых не прииде. Царь же Анастасий нарочно посла по него, и повеле его с честию привести от Иеросалима в Царь-град. И привезену бывшу ему, царь много ласкаше святаго Саву, еже бы приложил руку свою к собору его, понеже ведый его мужа добродетельна и свята, и славна житием. Преподобный же Сава не послуша царя, много ему от писания глаголя, яко не подобает предание святых отец преступати четырех вселенских соборов, но повиноватися им достоит, яко четырем евангелистом. Царь же не мучи его, но паки отпусти его во свою обитель. Святый же, видев, яко вси церковнии служители уклонишася в нечестие царево, тогда собрася с десятью тысящь иноков пустынных и прииде во Иеросалим, яко воевода небеснаго царя Христа, и седе ту с ними во осаду.             Продолжение далее.....
[главная][наше упование][раскол патр. Никона][раздор митр. Корнилия][ересь монаха Алимпия][богослужение][жизнь общины][отдел соц. поддержки][библиотека][фотогалерея][контакты]