СВЯТОМУ ФЕОДОРУ СТУДИТУ - ИСПОВЕДНИКУ,
как Свято-Церковному отцу мы соблюдаем по Святоподобию общий всем исповедникам тропарь на глас осьмыи:

ПРАВОСЛАВИЮ - наставниче, благочестия --  учителю и чистоте, вселенней - светильниче, архиереом - Богодохновенное удобрение, Феодоре-премудре: учением-бо твоим вся просветил еси, O, - «цевнице Духовная», моли Христа-Бога спастися душям нашим!
ЧИТАЕТСЯ по чину Утрени, либо на Молебном, дважды. Завершается же: Слава, и ныне - и Богородичный «от первых» по гласу, си-речь - из осьмигласника воскресных тропарь: «Иже нас ради Рождеи Ся от Девы - и распятие». Этот канон преподобному Феодору, игумену студийскому, Исповеднику, имеющий же краегранесие, то есть акростих, в греческом оригинале: «СЛАВНАГО ФЕОДОРА В ПЕСНЕХ ПОЧИТАЮ», как поэтическое творение аввы Иосифа, и как литургическое свидетельсто в форме канона по чину нашего предстояния пред Господом истинным церковным народом, через столетия благочестно возвещается либо добросердечно воспевается в глас 8-й - брат о Христе Исусе, Господе нашем:
Песнь Первая
ЕЯ ИРМОС:
ВООРУЖЕНА фараона погрузи Чудотворяи древле: Моисеев же Жезл Крестообразно прорази - и раздели море! Израиля же бежаща, пеша ходяща, спасе, песнь Богови возсылающа!
ПРИПЕВ:
Преподобне отче исповедниче Феодоре, моли Бога о нас!
(зри: и первый на песнях первой и последней запеваем с поклоном)
СВЕТОДАТЕЛЬНЫМИ блистании Духа Святаго просвещаемыи - всесветлыи столп был еси: наставляя, Богогласе, къ земли обещания Богомудрено тщащих ся, O, таuнниче неизреченных Феодоре!
ПРИПЕВ.
Все-радостно неослабными мановении къ Богу приступая, прежде конца яви ся Мертвостию живоносною одеян, преподобне, - и Живот нестареющии ныне прият достойно, отче-Богоносе Феодоре!
ПРИПЕВ.
Победив страстная играния и мучительская устремления юношески, O, блаженне, - вся укорил еси дерзновенною душею: Христов образ честu научая, Богоприятне, и Святых воображения!
СЛАВА.
Очищеною мыслию, премудре, Богодохновенным Писанием поучаемыи, богатьство добродетелей собра - и благочестия учении обогати ся - и жития светлостию воссияв обоюду, O, преподобне!
И НЫНЕ: И ТРОПАРЬ БОГОРОДИЧНЫЙ:
Слово Божие Воплощенное родила еси, Иже прежде безъплотное: Богомужно мирови совокупльша Ся паче естества, O, всенепорочная Богородице-Дево!
Песнь Третья
ИРМОС:
Утверждеи Небеса в начатце разумом, и землю на водах Основавыи, на Камени мя, Христе, церковнем утверди, яко несть Свята паче Тебе,  Человеколюбче!
ПРИПЕВ.
Въжиляемыи Христовым, всеблаженне, ограждением - язвы болeзненныя претерпе, ураняемыи люте! И въ темнице затворяемыи - яко объщник Страсти и Царствию бысть!
ПРИПЕВ.
Богом покрываемыи яве и Того ревностию разъжигаемыи - скверныя учения беззаконных разрушuл еси твоими учении, O, премудре: благодатию-бо oт Бога, отче, обогати ся достойно!
СЛАВА.
Въ видeнии - дeтелен, въ деянии - Богословец был еси нам, O, Богоглаголиве: постныи учитель, священно-мученик славен, Православия столп - Церковное утверждение!
И НЫНЕ, БОГОРОДИЧНЫЙ:
Соприсносущное Отцу и Сопрестольное Бог-Слово обновити восхотев родоначальника - по составу того из Тебе, Чистая, прият: Святейшю всех Тя, Богомати, обрет!
Седален преподобному, при совершении которого припеваются, когда на Утрени есть поучение, конечные строки на глас 3, на подобен: «Божественыя веры»:
БОЖЕСТВЕННАЯ повеления умножив - веру соблюл еси Православия: беды прием о ней, O, Феодоре, въ заточении пострадав ранами, въ темницах претерпев озлобления, отче-преподобне: «Христа-Бога моли даровати нам велию милость!»
СЛАВА, И НЫНЕ: и здесь же Богородичный седален так:
Б
ОЖЕСТВЕННАЯ бысть сень Слова едина, пречистая Дево-Мати, - чистотою Ангел превозъшедши! Мене же, паче всех персть бывша: осквернeна плотьскими прегрешении, очисти молитв Своих Божественными водами - подающи, O, Чистая, велию милость!
Седален Кресто-Богородичный, что бывает в среду и пятницу:
Нескверная Агница - Слову нетленная Дева-Мати, на Кресте Вuсяща зрящи, от Нея безболезненно Возрастъшаго, -- матерелепно рыдающи, възывaаше: Увы мне, Чадо мое: како страждеши волею, избавити хотя страстей безъчестия человека!
Песнь Четвертая
И ЕЯ ИРМОС:
Ты ми, Христе, - Господь! Ты же - и Сила ми! Ты ми - Бог! Ты ми - Радование: не оставль недра Отча, но - милостию Си нашу нищету посетив! - тем съ пророком Аввакумом зову: «силе Твоей Слава, Человеколюбче!»
ПРИПЕВ.
Дар Богом дастъ ся мирови тезоименитно, богатыми даръми сияющь, яко источник имыи истинно озареныи оттуду, O, блаженне Феодоре - тем учuтелем и постником, и мучеником съликовствовати множеству сподоби ся!
ПРИПЕВ.
O, твердаго и крепкако ти противления, им же мучителем шатание попра, его же ради явьственно ты паче ума Богоначальствова - конечное блаженьство постиже, Богомудре: со безплотными поя: «силе Твоей Слава, Человеколюбче!»
СЛАВА.
Глагол Божии въ тебе явьствено всель Ся - повелении, премудре Феодоре, рeки источил еси обильно - тем же ныне наслаждаеми ся учении твоих, O, Богодохновенне, веселуеми - вопием  гласы немолчными: «силе Твоей Слава, Человеколюбче!»
И НЫНЕ.
Всего в Тебе обновляя Человека, весь в сего, Пречистая, одея Ся, Иже Отеческих недр не отступль, въ Твою утробу въселити Ся изъволи: богатьством благосердия волею обнищав - и обогати мiра Божеством!
Песнь Пятая
ИРМОС:
Въскую мя отрину от Лица Твоего, Свете Незаходяи: покрыла мя есть чюжая тма, окаяннаго! Но - обрати мя! И к Свету заповедей Ти пути моя направи, молю Ти ся!
ПРИПЕВ.
Ум и душю и тело Словом очистив - храм всечестен Богу всех был еси: жив же и одушевлен: благовонну жертву себе Христови принесe, отче, жрец и жертва бываемь!
ПРИПЕВ.
Просвещаемыи, блаженне, зарею Духовною - всем воссиял еси Богословным языком си Троичныи Свет пречистыи! - и единаго от Троицы Божия Слова паче ума Воплощения неизреченное, отче, Таиньство!
СЛАВА.
Разумно со Ангелы ныне водворяя ся, Христа моли: страстей и бед (избавити) блажащых и чтущых всечестную и Божественую память страдании твоих, Богоносе Феoдоре!
И НЫНЕ.
Неизглаголанным, O, Дево, образом Сын Божии в Тя вселив Ся - человек бывает, Иже прежде век от Отца воссияв: человека от тли избавляя и к жизни нетленней восстановляя яко един Милосердыи! 
Песнь Шестая
И ЕЯ ИРМОС:
Очисти мя, Спасе: многа-бо беззакония моя! И изглубины зол возведи мя, молюся: к Тебе-бо воззвах - и услыша мя, Боже спасения моего!
ПРИПЕВ.
Целомудренно свой живот, священно-глагольниче, совершил еси: праведно же украси ся мужественою Мудростию - красную колесницу добродетелей сочета себе, O, всеблаженне, - преподобне!
ПРИПЕВ.
Благоухают Боголепно повелении Божественая словеса твоя - и от глубины зол ересей всех возводят, O, мудре, Православия  къ вышней светлости!
СЛАВА.
Воссия тебе Свет - и Сего, O, отче, /со-таинником/ веселие ныне светлое: яко финик-бо процвел еси, всеблаженне Феодоре, и яко кедр умножил себя, O, достославне!
И НЫНЕ.
Да избавимся от лютых прегрешений мольбами Ти, Богородительнице Чистая, и да улучим, Пресвятая, Божественнаго Сияния из Тебе неизреченно воплощеннаго Сына Божия!
Кондак Святому на глас 2, подобен: «Вышних ища»:
ПОСТНИЧЕСКОЕ и равно-Ангельное житие твое страдальческими украсил еси бореньми - и Ангелом совъсельник, Богоблаженне, явил себя, Феодоре, съ ними же Христа-Бога моли непрестанно о всех нас!
И ЕГО ИКОС:
Постником - светлую добрoту! Церкви Христове - утверждение! - сице Феодора восхвалим ныне: новыи-бо столп огнен явил себя, попаляя главы еретичествующих, но - верных просвещая дущя къ вере правей: въ Божественыи Град, въ вышнии Иеросалим якоже другаго израиля въводя! - къ нему же согласно возопием: «O, всеблаженне отче, не забуди, Христови моляся непрестанно о всех нас!»
Песнь Седьмая
И ЕЯ ИРМОС:
Божия схождения ? огнь устыдеся в Вавилоне древле ? - сего ради отроцы в пещи радованною ногою ? яко во Свете ликоваху, ? поюще: ? «благословен Бог отцев наших!»
ПРИПЕВ.
Видев Провидец твоего разума чистоту, словесных тя овец наставника, отче, поставляет - Ему же ныне, O, всеблаженне, зовеши, веселя ся: «Благословен Бог отцев наших!»
ПРИПЕВ.
Божественному написаному пречистому образу, преблаженне, вочеловечения Христова покланяя себя, пребываше, - богоборником противляя себя даже дo крове и поя, O, Феодоре: «благословен Бог отцев наших!»
СЛАВА.
Слово твое солию растворeно, O, всебогате! И житиe твое, отче, просвещенo зарею Духовною, Им же блистая ся, вопиеши весело: «благословен Бог отцев наших!»
И НЫНЕ.
Се - ныне исполни ся Давыда-Богоотца Божественное проречение: молятся, воистину, Твоему Лицу, O, Богородительнице, Чистая, имущии богатьство благодати - ныне благословяще Бога отцев наших!
Песнь Осьмая
И ИРМОС:
Седмь седмицею пещь халдейскии мучитель Богочестивым люте разжже - Силою же лучшею, спасенных видев, Творцу и Избавителю вопияше: «священнии, воспойте! Людие! - и превозносите Его во веки!»
ПРИПЕВ.
Показaл себя, Богоносе Феодоре, - ты еси прогонuтель обретателей злых ересей: учa пречистыи честu oбраз Христов: покланяти же себя Владыке, и почитати Богомудренно, и пети: «священнии, благословите! Людие! - и превозносите Его во веки!»
ПРИПЕВ.
Во всем житии твоем, Богоглаголиве Феодоре, прельщенным наставник бысть - светильник светлейшии, Боговидныи учитель вo мраце неведения лежащым, научая воспевати: «священнии, благословите Владыку Христа! - и превозносите Его во веки!»
ПРИПЕВ.
На земли подвизa ся благочестия сказатель и истинныи неложныи учитель, всеблаженне, быв яко дар Божии - и нa Небесех праведными увязe ся венцы: «течение совершu и веру соблюд», «превознося Христа во веки!»
СЛАВА.
Смыслом ум украсил еси! Целомудрием - желание! яростное же - Мужеством препоясал еси, Феодоре-премудре: Правдою исправив Священнолепно душевныя ти силы, согласно воспевая: «дети, благословите! Священнии, воспойте! людие - и превозносите Его во веки!»
И НЫНЕ.
Благословенная Пречистая, души моея струпы и греховныя язвы очисти: Бога-бо рождьши, Иже надо всеми! O, Отроковице Читая, - от девственныя Си неискусобрачныя утробы, Его же благословит вся тварь - «и превозносит вo веки!»
Песнь Девятая
ИРМОС:
Удиви ся убо о сем Небо, и земли ужасошася концы, яко Бог яви Ся человеком плотию: чрево же твое бысть пространнее Небес - тем Тя, Богородице, ангел и человек чиноначалия величаем!
ПРИПЕВ,
его же, при двоеперстном знамении Крестном, в силу Духа Христова и явлением Христовой же, причастной Церкви Божьей, милости Святоподобно предстоя как сыновне о Христе Исусе, с поклоном же, снова как запев вековечной веры:
ПРЕПОДОБНЕ ОТЧЕ ИСПОВЕДНИЧЕ ФЕОДОРЕ, МОЛИ БОГА О НАС!
Течением ти слез яко постник и источники кровьными яко мученик Христов просветил себя - сияеши обоюду светло: Правдою, O, преподобне, одeян яко священник! Въ Божественных жительствуеши ликoх ныне, просвещаемыи въ незаходимых, O, треблаженне!
ПРИПЕВ.
Чистое свое житие прeшед - во Святых Святая селениих ныне живеши: Венец благолепия прием, и Царства одеяние великолепное же и священное, в них же ныне озаряемыи, предъстоиши Невестнику, наслаждаяся Обожeния!
ПРИПЕВ.
Видети сподобил себя благих Источника, O, Богоносе Феодоре, яко прошед житие Божественное крепко - от миръскаго свойства житием чистым ум свободив: яко мученник и Страстоносец бысть, O, священне!
СЛАВА.
Глагол твоих вещание якоже ДАРОВАНИЕ БОЖИЕ нам всеслышан бысть, O, всехвальне: яко гром во вселенныя концeх и яко же рeки истекают твоих учении съписания - тем тебя Богослова и Богоглагольника достойно имeнуем!
И НЫНЕ.
Яви Ся, O, Дево, - Мати Божия, паче естества рождьши въ телеси Благое Слово, Еже Отец oт сердца Своего отрыгну прежде всех век, яко Благ, Его же ныне и телес превышъша разумеваем, аще и въ Тело облече Ся!

И светилен этот соблюдается нашим чином на Утрени

ЯКО СТОЛП одушевленный явил себя, повелении Православия благочестно обличив иконоборцев прелесть - тем и страданием совершив исповедание, O, Феодоре, прославил себя!

Здесь же, и Слава, и ныне: и Богородичный светилен:

ВСИ ВЕРНИИ - Ходатаицу Тя къ Рождьшемуся из Тебе ныне предлагают, Всечистая: мы же, мнoжае, иже съраспинаемии Тому, -- тем не престaй, Дево, за ны молитися!
На Господи воззвах стихеры преподобному вси воспоем в глас осьмыи, на подобен: «O, преславное Чудо»:
ОТЧЕ ФЕОДОРЕ,  воистину тезоименита  паче ума дарования прием  -- благочестно пoдал еси любящим тя  -- и, умножив, блаженне, талант,  Божественнаго гласа услышал еси,  внутрь зовуща тя чертога,  идеже ныне живеши -- у престола всех Царя, досточюдне!
Отче - отцем, Феодоре,  ты едuньствующих множества  Христови привел еси:  спасения винa быв Богоподoбна,  учением озаряемыи  и заступлением душь украшаемыи:  уставляя Господня, O, премудре, пророчески  -- Ему же ныне предстоя,
нас поминай!
Благодать обильная Духа,  O, священно-таинниче мудре,  изълия Ся во устнах твоих  -- и источник искипе учении, Феодоре:  благочестию явльши поборника  и Истине - зельна собеседника,  столпа и утверждения православныя веры,  иноческому житию  -- известнейшее правило, O, премудре!
СЛАВА - и на глас шестый Славник преподобному отцу:
«Преподобне отче» - писано суть в чине Вечерни: всем преподобным общий. И паки Славник по чину Утрени, на Стиховне - паки всем преподобным общий, на глас осьмыи: «Инок множества». А также - и прокимен, аллилуарий, Апостол и
Евангелие на Литургии: зри убо!


ОБНАРОДОВАНО: С ПРОШЕНИЕМ как Истиннолюбцам о Правде и праведно откликнуться, и если при этом у нас были непреднамеренные какие-либо погрешности - с прошением же о милости, за подготовку этой публикации пред Богом -древлеправославное  издательство Финеесъ благословением о.Александра Черногора, священноиерея ДЦХБИ. (То есть, в староверии Церкви православия - она же с 18.10.2007 по настоящее время подлинно есть та до-раздорная РПСЦ, что с 1988 по 2007 гг. - РПСЦ, а в России до 1988 г. отнюдь небезызвестная та, наша милостью Христовой ДЦХБИ.)
[главная][наше упование][раскол патр. Никона][раздор митр. Корнилия][ересь монаха Алимпия][богослужение][жизнь общины][отдел соц. поддержки][библиотека][фотогалерея][контакты]