песнь 5, ирмос. Въскую мя отрину от лица Твоего, Свете Незаходяи: покрыла мя еси чюжая тма, окаяннаго, но - обрати мя и к свету заповедей Ти пути моя направи, молю Ти ся.
ЗАПЕВ. Христа имея Глаголюща, отче, во органе доброгласнем ти языце - посрами писанием идольскую ересь, заблужденныя обращая и наставляя ко истинному Богу, О, Афанасие.
ЗАПЕВ. Губительныя ереси, отче, изъобличи словесы и писаньми, различныя льсти изъгоня изъ вселенныя мудрыми явленьми. И уясняя непрекословно православную веру, блаженне.
СЛАВА. Знаем тя учителя - воистину! - велика учителем, мудре Афанасие, ихже обогати Церковь Христова твоим, отче, неложным правлением со апостолы, сказающа слово веры непорочное.
И НЫНЕ. Материнское дерзновение к Сыну Своему имущи, Пречистая, съродъствия помощи нашея не презри, молимся, яко Тя едину, Христиане, ко Владыце Очищение милостивно предлагаем.
песнь 6, ирмос. Очисти мя, Спасе: многа бо беззакония моя, и из глубины зол возведи мя - молюся: к Тебе бо возъзвах - и услыша мя, Боже спасения моего.
ЗАПЕВ. Чюжему семени сеятель явися Аполинарий: земными словесами и умом ХРИСТОВО вочеловечение именуяше - крепко от тебе, преблаженне, изъобличися, якоже несмысленн и умовреден.
ЗАПЕВ. Водам словесным изълиянным изъ устну твоею, изъ источника приснотекуща благодати, О, преподобне, - сладъчайшым меда, яко от окрина воды, вернии почерпаем.
СЛАВА. Дивится всяк твоим, отче, по-лепоте писанием мудрым, любезно въмещая: хотящая быти прозябения ересем смотряя - отвратил еси пророчески.
И НЫНЕ. Да избавимся от лютых прегрешении мольбами Твоими, Богородительнице, Чистая, и да улучим, Пречистая, Божественное сияние, Иже изъ Тебе неизреченно Воплощеннаго Сына Божия.
кондак, глас 3. Православия насаждь учения - злославия терние отсече, умножив семя веры наводнением Духа, преподобне, темже - тя поем, Афанасие.
песнь 7, ирмос. Божия съхождения * огнь устыдеся въ Вавилоне древле * - сего ради * отроцы в пещи радованною ногою яко во свете ликоваху,* поюще:* Благословен Бог отцев наших.*
ЗАПЕВ. Единочестна и Сопрестольна Отцу Слова - Единородна Сына, православно проповедав, безсмертия - отче! - тезоимените, абие научаеши и Духови - Сопрестольна и Единосущна и Соприсносущна.
ЗАПЕВ. Учителя тя и проповедника священноявленна Трисолнечнаго Света, возъвещающа веру православия даже до конец земли, видя нечестия родитель - изъгнания на тя возъдвизает.
СЛАВА. Беды безъмерныя, яже подъял еси, блаженне, подвизаяся по благочестии - венцы же такоже безъмерно светлии, ибо камень многоценный был еси падающым, к себе же, яко магнит, привлачаше вся.
И НЫНЕ. Ныне вся исполнишася Света Божественнаго Тобою, Пречистая: Ты бо - Дверь яви Ся, Ея же ради мирови Бог приближи Ся, просвещая верою зовущыя: Благословен Бог отцев наших.
песнь 8, ирмос. Седмь седмицею пещь * халдейскии мучитель Богочестивым люте разъжже * - силою же лучшею спасительное видевши,* Творцу и Избавителю вопияше:* Дети благословите,* священии воспойте,* людие - и превозносите Его во веки.*
ЗАПЕВ. Святителем украшение преславно, Афанасие, - столпе света и Церкви утвержение, Троицы поборниче и Богословия трубо златая, жития иноческаго изъвестныи законописателю, с нами празднуеши: святителя обручение с девицей-Церковию чистой совершая, люди верныя препровождая Жениху-Христови во вся веки.
ЗАПЕВ. Безъсмертия был еси воистину тезоименит, делательныя бо словом правым превзыде, искусныхже в слове известием жития побеждая - во обоих прешел еси край, темже, непреложною добродетелию просияв, - безъсмертия стяжа память во вся веки.
СЛАВА. Ты светлейше показал еси, тайно-Небесниче, Богоприятне, святительства служение доблими страданьми твоими - прелесть изъгнал еси твоими изъгнании частыми по Троице, Ея же проповедуя, вопиеши: Отцу поклоните себя, Сына Богословите, Духа воспойте - во вся веки.
И НЫНЕ. Иже плотию Рождьшую - единаго от Троицы! - Бога, и по рожестве паки целу Пребывшую, непрестанно поем, яко Превышъшую херувим и серафим Честнейшую, вопиюще: Дети благословите, священнии воспойте, людие - (и) превозносите во веки.
песнь 9, ирмос: Удивися убо о сем Небо и земли ужасошася концы, яко Бог яви Ся человеком плотию - и Чрево Твое бысть пространнее Небес, тем - Тя, Богородице, Ангел и человек чиноначалия величаем.
ЗАВПЕВ. Просия житие твое яко молнии, изълияшеся, отче, вещание твое якоже гром всем, ихже солнце назирает: с Небесе бо имел еси съвыше дохновение, воистину, темже - твоея памяти не угасил ходатай забвению гроб, О, Афанасие.
ЗАПЕВ. Светом Трисолнечным и Трисиянным изъдалеча ныне сияя певцем твоим, сиянии световидными явив себя яко зерцало, съвыше исъпущаеши яко же солнце - и ты установи, блаженне, аще велико, ащели мало, паче достояния просимое.
СЛАВА. Поюще, молим тя прилежно: о Церкви помолися, Крестом победы даруя цареви (правителю), да православною верою - крепость на ереси врагов, намже - спасение, смирение же миру, во твоей памяти, Афанасие.
И НЫНЕ. Без хотения плотьска безсемене зачала еси, Дево, всяческая Создавшаго Слова Божия, кроме же тления родила еси, без болезней матерьских, тем - Тя, Богородицу и языком и сердцем исповедающе, величаем.
Се - канон авве. Текст имеет малые мои разъяснения, а списывал его из
Минеи Январской, за 18 день. И снова во 2-й день мая
соборно сотворяем отеческую память
во славу Христа-Бога, весьма
Просвещающаго мир чрез
авву Афанасия
[главная][наше упование][раскол патр. Никона][раздор митр. Корнилия][ересь монаха Алимпия][богослужение][жизнь общины][отдел соц. поддержки][библиотека][фотогалерея][контакты]