КАНОН СВЯТОМУ СЛАВНОМУ И ВСЕХВАЛЬНОМУ ПАВЛУ-АПОСТОЛУ
Святии славнии [верховнии: первостоятели=предстоятели] апостоли Петре и Павле, молите Бога о нас!

Тропарь, глас, 4: Иже апостолом сопрестольницы и вселенней учuтилие, Владыку всех молите: мир вселенней даровати и душям нашим велию милость. Слава, и Ныне, воскресный Богородичный, глас той же. Иже от века утаенное и Ангелом несведомое таинство: Тобою-бо.
Канон, творение преподобнаго отца нашего Иоанна Дамаскина, глас 8, Песнь 1, ирмос: Посеченыи несекомаго пресече // -- и виде солнце землю, ея же несть видело: // лютаго врага вода потопила есть // -- и непроходимое пройде израиль, // песнь же воспевашеся: // «Господеви поем: // славно-бо прослави Ся!» //
ЗАПЕВ С ПОКЛОНОМ. Иже яко же сущая Нарицая(и) несущая -- Христос Божественным разумом, 'О, Павле-всеблаженне, Той из матерьня чрева тя избра понести пред языки Божественное Его Имя, еже паче всякаго имени: «славно-бо прослави Ся!»
ЗАПЕВ. Будущее возвещая тебе сияние благочестия, 'О, Павле, и льсти очищение, Христос явль Ся на горе молниезрачен -- очи убо помрачает плотьския, душевныя же вразумляет Троическим разумом: «славно-бо прослави Ся!»
СЛАВА. Обрезание убо совершая осьмодневно и ревнитель отеческим, Павле, преданиям, от семене еврейска, колена Вениаминова, по закону же фарисей явль ся - «вменил еси вся умeты!» -- и Христа приобрел еси: «славно-бо прослави Ся!»
И НЫНЕ. Чистая Мати Бога Вседержителя от царьскаго колена, Владычице, израстьши -- и едина Бога -всеми Царьствующаго!- плотию рождьши паче естества -- и меня от бед спаси, Господеви поющa: «славно-бо прослави Ся!»
Песнь 3, ирмос: Ты -- есu Утвержeние, // притекающим Тебе,// Господи, // Ты же -- Свет омраченным // -- и поет Тебя дух мой. //
ЗАПЕВ. Ты - камень основания верным душям положи ся многоценен, краеуголен, Спаса и Господа.
ЗАПЕВ. Павле-всеблаженне, на основании твоем -'О, молися!- добродетельнемь наздатися нам вашея светоносности.
СЛАВА. Всегда мертвость Исусову на своем теле истинно, Павле, обнося, сподобися истинней Жизни.
И НЫНЕ. Христиане -- Тебя вси стяжахом Прибежище и Стену нашу, Тебя славословим немолчно, 'О, Безневестная.
Ипакой, в глас пятыи: Какая темница не имe тебе юзника? Какая ли церкви не имe тебе вития? -- Дамаск вельми мудрствует о тебе, Павле: виде-бо тебя преодеяна Светом! Рим, твою кровь прием, -- и той играет! Но -- Тарс мнoжае радуется и любит, чтущи твоя пелены!
Петре -- каменю веры!
                               (От Рима сошедшеся, утвердите нас!)
Павле -- похвалo вселенней!
                               От Рима сошедшеся, утвердите нас!
Песнь 4, ирмос: Всед на коня, // на апостолы Твоя, // Господи,// -- и прият рукама Си узды их // -- и спасение бысть еждение Твое, // верою вопиющим Ти: // «Слава силе Твоей, Господи!» //
ЗАПЕВ. Вседе яко же лев 'яро нeкако, погубляя Христову Церковь Савл иногдa! -- 'ят же быв Божественным гласом Агньца Божия! -- и не тебе ли стадо, еже ты яко Савл избиваше, яко пастырю вручает?!
ЗАПЕВ. Хотяи просветити вселенную, омрачается -- Анания же к сему посылается, душевное же просвещение и телесное дав -- от Божественнаго вдохновения сосуд избран показав того(: «слава силе Твоей, Господи!»)
СЛАВА. Павлом достойно Дамаск напояется: от сегo-бо яко же от рая иногда водам Божественным произыде сей великии источник -- и независтно упои Богоразумием всю землю: («слава силе Твоей, Господи!»)
И НЫНЕ. Господь низложи вся со престолов сильныя, яко же свидетельствуешь Ты, Девая и Мати, исполни же Божественных благ алчущыя -- верою зовущыя: «слава силе Твоей, Господи!»
Песнь 5, ирмос: Просвети нас // повелением Твоим,// Господи, // -- и мышцею высокою // Твоего мира даждь нам,// едине Человеколюбче. //
ЗАПЕВ. Ты истинную избра, Павле, похвалу: всегда яко воин непобедим нося Царя-Христа Крест.
ЗАПЕВ. Тебе, еже жити, -- Христос, и, еже yмрети, -- приобрeтение изрядно: любовию же со-распят себя Распеншему Себя нас рaди, 'О, Павле-преслaвне.
СЛАВА -- ОТЦУ И СЫНУ И СВЯТОМУ ДУХУ: Радуеши себя -воистину!- 'о Господе, Павле-честныи, изшед из телесе -- и отшед ко Христу-Живодавцу - (к) Богу!
НЫНЕ: И ПРИСНО, И ВО ВЕКИ ВЕКОМ. - АМИНЬ! -- Присно моли Сына Своего и Бога нашего, 'О, Неискусобрачная Марие, Чистая, послати нам верным милость.
Песнь 6, ирмос: Молитву пролию кo Господу // -- и Тому возвещу печаль мою, // яко зол душа моя наполни ся // -- и живот мой аду приближи ся, // но -- молюся яко Иона: // от тли, Боже мой, возведи мя. // (Зри убо: Чьим прообразом будучи, чрез сие уподобляясь, был причастным Ему (Богу моему) -- «паки и паки» узреть сие в литургической причастности, ввиду этого Устав (Типикон) предусмотрел поучение также и на 6 Песне канона: это в чреде служб-чинов при утверждении себя к восхождению за Литургией -- в ее предваряющей 6 песне чина Утрени - примечание свящ.)
ЗАПЕВ. Иже о всех нерадив тленных, уязвен Владычнею любовию, -- и изволив желанием общаго спасения путь обновити, 'О, Павле-блаженне, -- и ныне о вселенней молися.
ЗАПЕВ. Яко изрядныи Владыце подобник -- и в Того одеян(ный), 'О, Павле, воистину: «всем бысть вся, да вся приобрящеши» -- и спасеши люди -- и спасе, яко, воистину, Христови уловив.(зри убо: Христови, то есть Тому израилем ожидаемому Мессии - Исусу, «Распятому при Понтийстем Пилате, Страдавшу и Погребенну и Воскресшему в третий день - по Писанию!» -- примечание.)
СЛАВА. Достойно тебе дарова Христос житие, апостоле Павле, на' Небесех: пребывающа же зде не возжелел еси града, блаженне: верен служитель быв -- и строитель тайнам Его.
И НЫНЕ. Призре на Тя Господь, мое обновляя существо, яко Сuлен величия сотворь, Богородительнице, яко же реклa еси, 'О, Всенепорочная, -- и Бог мой Тебе ради спасe меня из тли, яко Милосерд!
Кондак, глас 2. Твeрдыя и Бoговещaнныя проповeдатели - верх учеников Твоих, Господи, прият в наслаждение благих Твоих, покоя: труды-бо 'онех и смерть прият паче всякаго приношения, едине Сведыи сердечная.
Икос. Уяснu ми язык, Спасе мой, разширив ми уста -- и исполнив их: умилu сердьце мое, да -яже глаголю!- последую и -яже учу!- сотворю пeрвее: «Всяк-бо творя и уча, - рече, - сей велик есть»: «аще-бо, глаголя, не творю -- яко медь звенящая вменю себя» -- тем же рещu мне подобная и творити полезная научи, едине Сведыи сердечная.
Песнь 7, ирмос: Нa поле молебнемь // иногда мучитель пещь постави на мучение // Богомудрым, // в ней же трие отроцы // песнословяху единаго Бога: // трие воспеваху, // глаголюще: «отец наших Боже // -- Благословен еси!» //
ЗАПЕВ. Бысть, Христе, -- Печать и Венец апостолом Твоим. [Однако], «иже напоследок времен званныи», тщанием же всех превозъшед: с ним же людие Церковнии поют Тебе: «отцев наших Боже -- Благословен еси!»
ЗАПЕВ. Аще и гонив пeрвее Церковь Твою Павел-узник, [однако] (и) премину древнюю дерзость Твоею ревностию последнею: собрa-бо, Христе, яз?ыки, зовущыя: «отцев наших Боже -- Благословен еси!»
ЗАПЕВ. Ты из Иеросалима проповедав всем Евангелие -- объят же oкрест всю землю, Павле, даже до конец Иллирика -уча!- взывaаше: «отцев наших Боже -- Благословен еси!»
СЛАВА. Во ужасе взят быв -- третие достигл еси Небо, пребогате, -- и, «услышав неизглаголанная словеса», зриши Славу превышнюю: Отца и Сына и Возсияние сообразно же - глубины Божия яве Испытающаго, Духа: (Иже «отцев наших Бог -- Благословен еси!»)
И НЫНЕ: И ПРИСНО, И ВО ВЕКИ... Яко на руно дождь, на Тя сниде, Дево, Христос-Бог -- и Плотоносец из Тебе пройде: соединяя прежде разстоящая -- мир на землu и нa Небеси даруя: Иже «отцев наших Бог -- Благословен еси!»
Песнь 8, ирмос: Проявленнаго на горе Святей // и в купине огненней // Девическую Моисеови тайну Явльшаго // -- «Господа пойте // -- и превозносите Его во веки!» //
ЗАПЕВ. Содержася любовию (Твоей) Павел -- добрым же изменением изступи: на сe-бо живяше, славныи -- имяше же, 'О, Щедре, живуща в себе Тя, Христе, во веки: (подобне убо «Господа пойте -- и превозносите Его во веки!»)
ЗАПЕВ. Ты «обручи яко невесту представити Жениху-Христу» Церковь: невестоводитель-бо сей показа себя, Павле-Богоносче, -- тем же тя славит во вся веки: (подобне убо «Господа пойте -- и превозносите Его во веки!»)
СЛАВА. Подвиза(в) ся добрым подвигом -- и скончав течение свое законно: сокровище веры соблюл еси -- тем же венцем, Павле, сподоби ся праведным: (подобне убо «Господа пойте -- и превозносите Его во веки!»)
И НЫНЕ. Радуися, Престоле огнезрачныи Господень! Радуися, двери Невещественнаго Блистания! Радуися, Облаче, Солнце возсиявшая Праведное -- Его же «превозносим во веки!»
Песнь 9, ирмос: Устав прейде естества, // заченши Содетеля творений // -- и Дверь спасения мирови бысть // -- тем Тя, // Богородице, // непрестанно величаем. //
ЗАПЕВ С ПОКЛОНОМ. И - ТРОПАРЬ: Твоей поклоняемся веризе, юже по Христе «яко злодей» носил еси! Язвы же, 'О, Павле, облобызаем, яже на славнем твоем и победоноснем быша телеси.
ЗАПЕВ. Ныне [отчуждил себя], апостоле, ко иже тобою непрестанно Желаемому, с Ним же яко со-служитель со-водворяя себя! -- непрестанными мольбами своя рабы к себе привлецы!
СЛАВА. Ныне же никако же в гаданиих, ни жe в зерцале Христос тебе Зримь есть -- лицем же паче зрится к Лицу: совершен тебе разум открывая Божества.
И НЫНЕ. Ты, Пресвятая Богомати, -- Похвала Христовем апостолом бысть, мучеником же -- Слава, и пророком - Основание! -- тем же убо вернии Тебя вси достодолжно величаем!
[главная][наше упование][раскол патр. Никона][раздор митр. Корнилия][ересь монаха Алимпия][богослужение][жизнь общины][отдел соц. поддержки][библиотека][фотогалерея][контакты]